Jauzi nabigazioa eta joan edukira
Carrusel de imágenes presentando Navarra

Lau urtaroak

Uda 2010

Ez galdu tradizio handieneko festa hauek...

Milaka urte dituen Hiru behien zerga, Erronkarin, edo antzinako dantzak, Otsagabian, dira, besteak beste, uda honetako almanakaren zati.

Nafarroak antzinako ohitura asko gordetzen dituen eskualdea da. Historia, gastronomia, errituak eta dantzak ez dira falta lurraldeko festa zaporetsuenenetan. Bake-zergak, senidetasun festak eta erritu transumanteak ezinbesteko hitzorduak dira gure lurraldea hobeki ezagutzeko. Markatu data hauek zure agendan eta goza ezazu tradizioaren zaporea duen uda hau:

  • Hiru behien zerga, Erronkari ibarrean: Uztailaren 13an Erronkari eta Baretos ibarretako biztanleek 1375ean sinatutako bakea berritzen dute.
  • Baztandarren Biltzarra Elizondon: uztailaren 18an, Baztango 15 herriek beren orgak erakutsiko dituzte, 40 urte baino gehiagoko ohitura hori solemne bilakatuta.
  • Orhipean Otsagabian: abuztuaren 27an eta 28ean, iruleak, garbitzaileak, bizarginak, haurrak jostetan eta beste hamaika pertsonaia lagun izanen ditu bisitariak Nafarroako Pirinioetako XX. mendeko hastapenetara joateko. 
  • Artaxoako Topaketak historiarekin: abuztuaren 27an eta 29ean, Erdi Aroko herri honek bere karrikak utziko dizkio dagoeneko tradizionala den ekitaldiari; bertan, erromatar garaian izandako gertaerak antzeztuko dira.
  • Artzai Eguna Uharte-Arakilen: abuztuaren 29 artzainen bizimoduak omentzeko eguna izanen da. Ekitaldi guztien artean ardi-txakurren lehiaketa nabarmentzen da.
  • Otsagabiako dantzariak: irailaren 8an herriak Muskildako Ama Birjina omenduko du ehunka urte dituzten dantza enblematikoen bitartez. Nafarroako garrantzi etnografiko gehien dutenak dira horiek.
  • Sanmiguelada Errege Bardean: irailaren 18an milaka ardik errepikatuko dute Erdi Aroan hasi zen erritu transumantea.  Pirinioetatik iritsiko dira eta Errege Bardeako basamortuan sartuko dira negua emateko asmoz.
  • Ogi-apurren eguna Uxuen: Irailaren 19an herriak bere espezialitate gastronomikoetako bat goraipatuko du, artzainen ogi-apurrak. Artzainen jaki bikain horren osagaiak honako hauek dira: ardi-gantza, baratxuria, ura, gatza eta ogi lehorra.
Sartu 2010ko udako ekitaldien egutegian beste alternatiba batzuk kontsultatzeko.

<< Itzuli